SQO-da qylmystyq isti burmalaǵan polıtseıler jazaǵa tartyldy
PETROPAVL. QazAqparat - Soltústik Qazaqstan oblystyq ishki ister departamenti esirtki bıznesine qarsy kúres salasyndaǵy qylmystyq isterdi burmalaǵan polıtseılerge qatysty shara qoldandy, dep habarlaıdy QazAqparat tilshisi.
Vedomstvo baspasóz qyzmetiniń habarlaýynsha, departamenttiń jeke qaýipsizdik basqarmasy qyzmettik tekseris júrgizip, esirtki saýdasyna qarsy is-qımyl jónindegi oblystyq jáne qalalyq bólimshe qyzmetkerleri nátıje qýý maqsatynda qylmystyq isterdi burmalaǵanyn anyqtady.
Materıaldar tártip komıssııasynyń otyrysynda qaraldy.
«SQO ІІD bastyǵy Berik Bilálovtiń buıryǵymen eki qyzmetker ishki ister organdarynan jumystan qýyldy. Eki jedel ýákilge qatysty qylmystyq is qozǵaldy. Jeke qaýipsizdik basqarmasy is boıynsha tekseris júrgizip, sotqa jiberdi. Oblystyq jáne qalalyq bólimshe bastyqtaryna qatysty qatań sharalar qoldanyldy: olar laýazymynan bosatyldy», - deıdi baspasóz qyzmetiniń ókilderi.
