SQO-da KVI juqtyrǵan 23 adamnyń hali nashar

PETROPAVL. QazAqparat – Soltústik Qazaqstan oblysynda ótken táýlikte 1200-ge jýyq adam PTR-test tapsyrsa, solardyń 178-inde koronavırýs rastaldy, dep habarlaıdy QazAqparat tilshisi.

SQO densaýlyq saqtaý basqarmasy baspasóz qyzmetiniń málimetinshe, 23 qańtar kúni óńirde 1189 adam PTR-test tapsyrdy, shamamen ár jetinshi adamda koronavırýs anyqtaldy. 59 syrqat emdelip shyqty.

Qazr oblystaǵy ınfektsııalyq statsıonarlarda 344 syrqat bar, emdeý mekemeleri 25 %-ǵa júktelgen. Taǵy 33 syrqat karantınde jatsa, jaǵdaıy aýyr 23 adam jansaqtaý bólimshelerine ornalastyrylǵan. Ótken táýlikte KVI-den qaıtys bolǵandar tirkelmedi. Desek te, indet bastalǵaly SQO-da 460 adam qaýipti ınfektsııadan kóz jumdy.

SQO – «qyzyl» aımaqta.

Jalpy indet bastalǵaly óńirde 36 561 adam KVI juqtyrsa, 34 081 naýqas jazylyp shyqty.