SQO-da KVI-ge baılanysty alty eldimekennen karantın alyndy
PETROPAVL. QazAqparat – Soltústik Qazaqstan oblysynda epıdemıologııalyq jaǵdaıdyń jaqsarýyna baılanysty 11 eldimekenniń altaýynan karantındik shekteýler alyndy, dep habarlaıdy QazAqparat tilshisi.
SQO sanıtarııalyq-epıdemıologııalyq baqylaý departamenti óńirdegi koronavırýs boıynsha aǵymdaǵy jaǵdaıǵa qatysty brıfıng ótkizdi. Oblystyń bas sanıtarııalyq dárigeri Arman Kúshbasovtyń aıtýynsha, óńirde KVI boıynsha kúndelikti monıtorıng júrgiziledi. Vırýsty juqtyrǵandardyń kúrt artýyna jol bermeý maqsatynda qazir óńirde eki aýdannyń 6 eldimekeni karantınge jabylǵan.
«Esil aýdanynda tórt eldimeken: ıAvlenka, ıAsnovka, Nıkolaevka, Petrovka karantınge jabyq. M.Jumabaev aýdanynda Býlaev qalasyna jáne Tamanskoe eldimekenine kirip-shyǵý shektelgen. Al solardyń qatarynda bolǵan 4 aýdannyń bes eldimekeninen jáne Petropavl qalasynan blokposttar alyndy», - deıdi Arman Kúshbasov.
Ótken táýlikte SQO-da koronavırýsty juqtyrýdyń 63 jaǵdaıy tirkeldi. Sonyń ishinde 40 adam dárigerlerge aýyryp qaralǵan. Petropavlda -29, Taıynsha, Tımırıazev jáne Jambyl aýdandarynda 7 adamnan tirkeldi.
Jalpy óńirde KVI juqtyrýdyń 7966 jaǵdaıy anyqtaldy. Olardyń 351-i - 4,4% shekara asyp kelgenderde tirkeldi. 18%-i profılaktıkalyq tekserý barysynda ózderiniń qaýipti ınfektsııany juqtyrǵandaryn bilse, 22% aýyrǵandarmen baılanysty bolǵandardan anyqtalǵan. Al barlyq aýyrǵandardyń 61%, ıaǵnı 4830 adam dárigerge aýyryp qaralǵan.
