SQO-da kúzetshilerdiń kómegimen 25 qylmystyń beti ashyldy
ASTANA. QazAqparat - Soltústik Qazaqstan oblysynda kúzet agenttikteriniń qyzmetkerleri jyl basynan beri 25 qylmystyń jáne 515 ákimshilik quqyqbuzýshylyqtyń ashylýyna kómektesken, dep habarlaıdy «QazAqparat» HAA tilshisi.
SQO ІІD baspasóz qyzmetiniń habarlaýynsha, oblys boıynsha kúnine polıtsııa qyzmetkerlerimen birge 7 kúzet tobynyń ekıpajy kezekshilikke shyǵady. Jedel toptyń 23 ekıpajy óz sektorlaryn kúzetip, kez kelgen ýaqytta dabyl sıgnalyna jaýap berýge ázir turady.
«Máselen, Qyzyljar aýdanynyń Beskól aýylynda ishimdikke masaıǵan er adam men áıel kúzetshige tap bergen. Ýaqtyly qımyldaǵan kúzetshi polıtsııany birden shaqyryp, quqyq qorǵaýshylar qoǵamdyq tártipti buzýshylardy alyp ketken. Tipti qala dúkenderiniń birinde satýshyǵa 67 myń teńgelik jalǵan kýpıýra usynǵan adamdy birden ustaǵan da osy kúzetshiler. Kúzet qyzmetkerleri 36 jastaǵy buryn da sotty bolǵan er adamdy polıtsııa qyzmetkerlerine tapsyrdy. Kúdiktiniń qylmysy dáleldengen jaǵdaıda 10 jylǵa deıin bas bostandyǵynan aıyrylýy múmkin», - dep habarlaıdy SQO ІІD baspasóz qyzmeti.
Quzyrly organnyń habarlaýynsha, kúzetshiler kúndelikti jumysynda polıtsııa qyzmetkerleri sekildi qaýipti oqıǵalarǵa tap bolyp jatady.
