SQO-da kúıik shalǵan segiz adamnyń ekeýiniń jaǵdaıy aýyr
PETROPAVL. KAZINFORM – Soltústik Qazaqstan oblysy Ilıchevka aýylynda bolǵan oqıǵadan zardap shekkenderdiń jaǵdaıy týraly densaýlyq saqtaý basqarmasy habardar etti.
Vedomstvonyń baspasóz qyzmetiniń málimetinshe, «Taıynsha-Maı» JShS aýmaǵynda janarmaı quıý kezinde gaz jınaǵysh jarylyp, sonyń saldarynan DAF markaly arnaıy kólik órtenip ketti. Oqıǵa saldarynan segiz adam zardap shekti. Kúıik shalǵandar der kezinde medıtsınalyq mekemelerge jetkizildi.
– Qazirgi ýaqytta ekeýi Kókshetaýdaǵy oblystyq aýrýhananyń jansaqtaý bóliminde aýyr halde jatyr. Taǵy úsh adam Taıynsha kópsalaly aýdanaralyq aýrýhanasyna ornalastyryldy. Úsh adam jeńil jaraqat alyp, alǵashqy medıtsınalyq kómek kórsetilgennen keıin úılerine jiberildi. Jaǵdaı baqylaýda, - delingen baspasóz habarlamasynda.
Mamandardyń aıtýynsha, qaýipsizdikti qamtamasyz etý boıynsha qajetti sharalar tolyq qolǵa alyndy. Halyq pen qorshaǵan ortaǵa qaýip joq. Oqıǵanyń mán-jaıyn tıisti organdar anyqtap jatyr.
Buǵan deıin SQO-da gaz tasymaldaýshy kólik jarylyp, 8 adamdy kúıik shalǵanyn jazǵan edik.