SQO-da kúıbeń tirlikten sharshaǵan áıel eshkimge eskertpesten demalys ornyna ketip qalǵan
PETROPAVL. QazAqparat – Soltústik Qazaqstan oblysynda úıinen ketip, qaıtyp oralmaǵan 30 jastaǵy áıel birer kúnnen keıin aman-esen demalys ornynan tabyldy, dep habarlaıdy QazAqparat tilshisi.
SQO polıtsııa departamenti baspasóz qyzmetiniń málimetinshe, 15 shilde kúni Petropavldyń 30 jastaǵy turǵynyna izdeý jarııalandy.
Áıel keshkilik ýaqytta «Lada» avtokóligimen belgisiz baǵytta ketip qalǵan.
Onyń júrgen jerin ózdiginen anyqtaı almaǵan týystary amalsyzdan polıtsııaǵa habarlasyp, kómek suraǵan.
Joǵalǵan áıeldi izdeýge volonterler de at salysty. Aǵyn» beınebaqylaý júıesi arqyly kóliktiń júrip ótken joly belgili boldy.
Nátıjesinde is-túzsiz joǵalǵan áıeldiń Aıyrtaý aýdanyndaǵy demalys ornynda bolǵany anyqtaldy. Ol bir sát kúıbeń tirlikten demalmaq bolypty.
«Aıta ketetini, demalys aımaqtarynda is-túzsiz joǵalyp ketýdiń aldyn alý boıynsha sharalar qabyldanǵan. Polıtseıler turaqty túrde reıdke shyǵady, demalýshylarmen túsindirý jumysyn júrgizedi, tabıǵatta qaýipsiz júrip-turý erejeleri týraly aıtady. Jolǵa shyǵar aldynda sapar týraly jaqyn adamdaryńyzdy mindetti túrde habardar etip, telefonnyń aqaýy joq ekendigine kóz jetkizińiz. Óńir turǵyndarynan demalysqa shyqqanda barynsha jaýapkershilik tanytýlaryn suraımyz», – deıdi SQO polıtsııa departamenti krımınaldyq polıtsııa basqarmasynyń bastyǵy Marat Jumalıev.
Jaz bastalǵaly solústikqazaqstandyq polıtseıler habarsyz ketken 76 adamnyń júrgen jerin anyqtady.
Tártip saqshylarynyń aıtýynsha, «joǵalýshylardyń» sany kún jylysymen artady.
Bireý spırttik ishimdikterdi asyra iship, jańa «dostarymen» qyzyqqa batsa, endi biri týǵan-týystaryna josparlaryn aıtpaı, jolǵa shyǵyp ketedi.
Jyl basynan oblystyq polıtsııa bólinisterine adamdardyń iz-tússiz joǵalýyna qatysty 275 ótinish kelip túsken, búginde olardyń 270-i tabyldy.
