SQO-da qutqarýshylar sýǵa batqan balyqshyny aman alyp qaldy

PETROPAVL. QazAqparat – Petropavldyń mańyndaǵy Pestroe kóline balyq aýlaýǵa shyqqan balyqshynyń qaıyǵy aýdarylyp, sýǵa batyp kete jazdady, dep habarlaıdy QazAqparat tilshisi.

SQO Tótenshe jaǵdaılar departamenti baspasóz qyzmetiniń habarlaýynsha, Petropavl qalasynyń 36 jastaǵy turǵyny tań sáriden Pestroe kóline balyq aýlaýǵa shyqqan. Alaıda rezeńke qaıyǵy aýdarylyp ketip, balyqshy sýǵa qulaǵan. Onyń kómek surap shaqyrǵan daýsyn sol mańda kezekshilikte júrgen qutqarýshylar estıdi. Birden kómekke jetken olar er adamdy sýdan alyp shyǵyp, aman alyp qaldy.

Balyqshy qutqarý jıletinsiz qaıyqqa otyrǵan. Qatty tońǵan oǵan medıtsınalyq kómektiń qajeti bolmady. Jarty saǵatta esin jıyp, jylynǵan balyqshy qutqarýshylarǵa alǵysyn jaýdyryp, úıine ketti.

Jyl basynan tótenshe jaǵdaılar departamentiniń mamandary 25 adamdy qutqarsa, onyń 17-si balalar. 25 adam qaza tapsa, olardyń úsheýi balyq aýlaý kezinde mert bolǵan.