SQO-da qutqarýshylar muzǵa shyǵýdyń qaýipti ekenin eskertti

PETROPAVL. QazAqparat – Soltústik Qazaqstan oblysynda qutqarýshylar aımaq turǵyndaryna muzǵa shyǵý kezinde abaı bolýdy eskertedi, dep habarlaıdy «QazAqparat» HAA tilshisi tótenshe jaǵdaılar departamentiniń baspasóz qyzmetine silteme jasap.

Ásirese mereke kúnderine eskertý jasaıdy. Qutqarýshylar turaqsyz aýa temperatýrasynan oblystyń sý qoımalarynda paıda bolǵan muzdyń qalyńdyǵyna qaramastan, ol jarylǵysh bolyp keletinin atap ótti.

Olar oblys turǵyndaryna muzǵa, avtokólikpen muz betine shyqpaýǵa keńes beredi. Onyń qaýipti ekenin, sý qoımalarynyń jaǵalarynda balalardy ata-analarynyń jáne úlkenderdiń qaraýynsyz qaldyrmaýyn, muz betinde oınaýǵa tyıym salynatynyn eskertedi. Kásibı balyqshylar men áýesqoılarǵa qutqarý quraldarynsyz muzǵa shyqpaǵany jón.

Baspasóz qyzmetinde qarasha aıynda oblystyń sý qoımalarynda muz jarylyp, 4 balyqshy batyp ketkenin aıtyp ótti.

«2018 jyly 4 avtokólik muzǵa túsip ketken bolatyn. Qutqarýshylardyń mindetterine avtokólikterdi sý qoımalarynan shyǵaryp alý kirmeıdi», - delingen baspasóz qyzmetinde.