SQO-da qutqarýshylar órt kezinde jarylys qaýpiniń aldyn aldy

PETROPAVL. KAZINFORM – Soltústik Qazaqstan oblysynyń Býlaevo qalasynda Mıchýrın kóshesindegi jeke turǵyn úıde órt shyqty, dep habarlaıdy TJM baspasóz qyzmeti.

Elektr symdarynyń qysqa tuıyqtalýynan shyqqan órt 54 sharshy metr aýmaqty sharpyǵan.

- Oqıǵa ornyna jedel jetken TJM kúshteri órtti sóndirý barysynda órt oshaǵynan bir gaz ballonyn shyǵaryp úlgerdi. Bul jarylys qaýpiniń aldyn alýǵa múmkindik berdi, - dep jazdy vedomstvodan.

Zardap shekkender joq.

Tótenshe jaǵdaılar mınıstrligi azamattarǵa órt nemese basqa da tótenshe oqıǵalar kezinde 112 nómirine habarlasýdy eskertedi.

Aıta keteıik, keshe Almaty oblysynda qutqarýshylar gaz ballondarynyń jarylysynyń aldyn aldy.