SQO-da qutqarýshylar adasyp ketken er adamdy tapty

PETROPAVL. KAZINFORM – Soltústik Qazaqstan oblysynda qutqarýshylar aýyl sharýashylyǵy jumystary kezinde dalada adasyp ketken er adamdy aman-esen tapty, dep habarlaıdy Tótenshe jaǵdaılar mınıstrligi.

Vedomstvo málimetinshe, oqıǵa Qyzyl Oktıabr aýyly mańynda bolǵan. Er adam dalanyń ashyq aýmaǵynda baǵytynan adasyp, 112 nómirine habarlasyp, shamamen qaı jerde ekenin jetkizgen.

Shuǵyl izdestirý sharalary barysynda TJM qutqarýshylary ony orman alqabynan taýyp aldy. Er adamǵa medıtsınalyq kómek qajet bolmaǵany atap ótildi.

Tótenshe jaǵdaılar mınıstrligi azamattarǵa tabıǵatta serýendeý nemese jumys isteý kezinde qaýipsizdik sharalaryn qatań saqtap, saparlary týraly mindetti túrde týystary men jaqyndaryna habarlaýdy eskertedi.

Aıta keteıik, SQO-da jasóspirim qoldan jasalǵan qazanshuńqyrǵa batyp ketti.