SQO-da qutqarý qyzmetiniń kóligi apatqa túsip, 1 adam mert boldy
PETROPAVL. KAZINFORM – Soltústik Qazaqstan oblysynda 20 qarasha kúni jeńil kólik pen tótenshe jaǵdaılar departamentiniń KamAZ kóligi soqtyǵysty. Saldarynan jeńil kóliktiń júrgizýshisi oqıǵa ornynda qaıtys boldy.
SQO densaýlyq saqtaý basqarmasy baspasóz qyzmetiniń málimetinshe, JAC jeńil kóliginiń rýlinde 1987 jylǵy er adam bolǵan. Al KamAZ kóliginiń júrgizýshisine medıtsınalyq kómektiń qajeti bolmady.
SQO polıtsııa departamenti baspasóz qyzmetiniń málimetinshe, jol-kólik oqıǵasy Qyzyljar aýdanynda «Petropavl – Ishım» avtojolynda bolǵan. Qazir osy fakti boıynsha polıtsııa qylmystyq is qozǵady. Jol-kólik oqıǵasynyń barlyq mán-jaılaryn zerdeleýge baǵyttalǵan tergeý áreketteri júrgizilip jatyr.
Buǵan deıin bıyl SQO-da prokýrorlardyń aralasýynan keıin 49 myń ga jer qaıtarylǵanyn jazǵan edik.