SQO-da qus tumaýyna baılanysty 8 myńǵa jýyq qusqa vaktsına salyndy
PETROPAVL. QazAqparat – Soltústik Qazaqstan oblysynda jabaıy qustardan qus tumaýy anyqtalyp, aýrý taralmaýy úshin aldyn alý jumysy atqarylyp jatyr, dep habarlaıdy QazAqparat tilshisi.
6 maýsym kúni Aıyrtaý aýdanyndaǵy Saýmalkól kóliniń jaǵasynan 102 dala úıregi men 2 shaǵalanyń óleksesi tabyldy .
SQO veterınarııa basqarmasynyń málimetinshe, Nur-Sultan qalasyndaǵy veterınarııa boıynsha referent ortalyǵy qustardyń qus tumaýynan ólgenin anyqtaǵan.
«Qus ólekseleri jınap alynyp, órteldi. Epızootıkalyq jaǵdaıdy baqylaýda ustaý úshin veterınarlyq qyzmet pen qalǵan tıisti organdar sý qoımalaryna kúndelikti monıtorıng júrgizip jatyr. Ańshylar men turǵyndar eskertildi. Ázirge qustardyń qyrylýynyń jańa jaǵdaılary tirkelgen joq», - deıdi basqarma mamandary.
Jabaıy qustardan aýrýdy juqtyrmaý úshin Saýmalkól kóliniń mańyndaǵy eldi mekenderdiń úı qustaryna aldyn alý vaktsınasy qoıylyp jatyr.
Búginge deıin Saýmalkól jáne Krasnogorka aýyldarynda 7 600 qusqa ekpe egildi. Jalpy oblysta 478 200 qus vaktsınatsııadan ótti.
