SQO-da qus tezeginen elektr energııasy óndiriletin boldy
ASTANA. QazAqparat - SQO Qyzyljar aýdanynda bıogaz jabdyǵynyń qurylysy júrgizilip jatyr, dep habarlaıdy QazAqparat.
Qus sharýashylyǵy qaldyqtaryn óńdeý qýattylyǵy 1 MVt quraıtyn bıogaz jabdyǵy qurylysynyń jobasy jańǵyrtylatyn energııa kózderin paıdalanýdyń memlekettik baǵdarlamasy aıasynda júzege asyrylyp jatyr.
Munda energııa qus tezeginen alynatyn bolady. Bıogaz jabdyǵynan birneshe metr jerde eki iri qus fabrıkasy bar. «BıoTES» JShS ókili Damır Tileýbaev aıtqandaı, ǵımarattar mańyna qazandyqtar ornatyldy. Qus tezegi sonda jınalady, keıin ony qyzdyryp, bıogaz alynady.
«Aýyl sharýashylyǵy ónimderin qaıta óńdep, odan elektr energııasyn óndiremiz. Bul joba qaldyqtardy joıý turǵysynan da mańyzdy. Biz osy ýaqytta eki qus fabrıkasymen shart jasasyp ta úlgerdik», - dedi Damır Tileýbaev.
Ótken jyly oblystyq ákimdiktiń qoldaýymen jabdyq qurylysy úshin jer telimi berildi. Montajdaý jumystary aıaqtalyp, ishki jóndeý jumystary ǵana qaldy.
