SQO-da qus fabrıkalary jumyrtqa baǵasyn ózara kelisimmen kótergen
QR Básekelestikti qorǵaý jáne damytý agenttiginiń SQO boıynsha departament basshysynyń mindetin atqarýshy Natalıa Shaıahmetovanyń aıtýynsha, baǵa monıtorıngi jáne SQO tutynýshylardyń quqyqtaryn qorǵaý departamentiniń haty aıasynda jumyrtqa baǵasy tekserilip, naryqqa taldaý júrgizildi. Nátıjesinde oblystaǵy jumyrtqa óndiretin 4 qus fabrıkasynyń kelisilgen básekelestikke qarsy áreketteri anyqtaldy.
«Ótken jyldyń qarasha aıy men bıylǵy qańtar aıyndaǵy aralyqty aldyq. Alaıda, jumyrtqa baǵasy naýryz aıynda da qymbattady. Olar kelisim boıynsha bir ýaqytta jumyrtqanyń baǵasyn ósirip jibergen. Osyǵan baılanysty departament bul kásiporyndarǵa eskertý hat jiberdi. Onyń nátıjesi boıynsha qus fabrıkalary bizge jumyrtqanyń kóterme baǵasyn túsirgendikteri jaıynda jaýap berdi. ıAǵnı 1 sanattaǵy jumyrtqanyń baǵasyn 5-10 teńge aralyǵynda túsirgen. Olar «ıAkor», «Esil», «Adel qus» jáne «Alekrı» qus fabrıkalary», - deıdi Natalıa Shaıahmetova.
Birinshi sanattaǵy áleýmettik jumyrtqanyń qazir kóterme baǵasy - 370 teńge.
«Sýbektiler bizdiń eskertýimizge qulaq asyp, baǵany tómendetetin bolsa, isti ári qaraı tergeý týraly buıryq shyǵarylmaıdy. Eger de olar eskertilgennen keıin 30 kún ishinde shara qoldanbasa, onda monopolııaǵa qarsy organ tergeý júrgizýge buıryq shyǵarady. Tergeýdiń nátıjesi boıynsha ákimshilik jaýapqa tartylady», - deıdi departament basshysynyń mindetin atqarýshy Natalıa Shaıahmetova.