SQO-da qus etin satýshylar baǵany ózara kelisip belgilegeni úshin jazalanady
PETROPAVL. QazAqparat - Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý departamenti qus etiniń bólshek saýdasymen aınalysatyn sýbektilerge qatysty tergeý amaldaryn aıaqtady, dep habarlaıdy QazAqparat tilshisi.
Departament taratqan málimet boıynsha, «Melana SK» JShS jáne «Kýrınyı Raı» JShS Petropavl qalasynda qus etiniń bólshek saýdasy boıynsha qyzmet kórsetip otyr. Monopolııaǵa qarsy organ olardyń áreketterinen QR Kásipkerlik Kodeksin buzý belgilerin anyqtady. Áńgime básekege qabiletttilikke qaıshy keletin kelisim men baǵany belgileý jáne ony turaqty ustap turýmen balanysty bolyp otyr. Bir sózben aıtqanda kompanııalar baǵany aldyn ala bir-birimen kelisip alǵan degen kúdik týyp otyr.
«Tergeýdi bastaýǵa Kásipkerlik jáne týrızm basqarmasynyń ótken jyldyń qazan aıynda qus etiniń ónimderi, dálirek aıtqanda - «KazKýr» saýda pavılondarynda satylatyn taýyqtyń san eti men sıraqtary baǵalarynyń ortasha eseppen alǵanda 10 paıyzǵa kóterilýine qatysty shaǵymy negiz boldy», - dep baıandady departament bastyǵynyń orynbasary Natalıa Shaıahmetova.
Ol tergeý qorytyndylary boıynsha departament «Mılana SK» JShS men «Kýrınyı Raı» JShS-ne qatysty monopolııaǵa qarsy zańnamanyń anyqtalǵan buzýshylyqtaryn joıý týraly uıǵarym shyǵarǵanyn qosyp ótti. Ony oryndaý merzimi - 22 aqpan. Ákimshilik óndiris qozǵalyp, materıaldary Petropavl qalasy ákimshilik sotyna qaraýǵa jiberiledi.
Zańdy buzǵan sýbektilerge monopolıstik qyzmetti júzege asyrý arqyly tapqan tabysynyń 3 paıyzy kóleminde aıyppul salynyp, monopolııalyq tabysy tárkilenýi múmkin.
Avtor: Olesıa Jýkoven
