SQO-da kýrsanttar AK-74 avtomatymen jattyǵyp jatqanda jumysshyǵa oq tıdi
«2022 jyldyń 4 sáýirinde QR Ulttyq gvar d ııa akademııasynyń atys alańynda kýrsanttardyń oqý tobynyń jeke quramymen AK-74 avtomatynan oq atý jattyǵýy ótkizilgen. Saǵat 13.00-den keıin qum qazyp jatqan jumysshynyń jeńil jaraqat alǵany týraly habarlama tústi. Mán-jaı anyqtalǵannan keıin alǵashqy medıtsınalyq kómek kórsetý úshin oq atý barysyn qamtamasyz etetin kezekshi feldsher mingen sanıtarlyq kólik jiberildi. Zardap shegýshige alǵashqy medıtsınalyq kómek kórsetilip, akademııa lazaretiniń jedel járdem kóligimen Petropavl qalasy aýrýhanasynyń travmatologııa pýnktine jetkizildi», - delingen atalǵan akademııa baspasóz qyzmeti habarlamasynda.
Taratylǵan aqparatqa qaraǵanda, oq ushyp jetetin keńistik aýmaǵyndaǵy qum qazý jumystary QR Ulttyq gvardııa akademııasy basshylyǵymen kelisileı júrgizilgen.
Oıpań jerde júrgizilgen qum qazý jumystary shep beketterine jáne ortalyq basqarý pýnktine baıqalmaǵan.
Oq atýdy uıymdastyrý jáne ótkizý týraly basshylyq qujattar talaptaryna oraı jattyǵý barlyq sharttarǵa sáıkes oryndalǵan:
- áskerı atys alańynda oqý atý júrgiziletini aýyldyq okrýgterdiń (Berezovskıı) ákimshilik apparatyna, ózara is-qımyl jasaýshy organdarǵa habarlandy;
- Nur-Sultan men Petropavl qalalarynyń áýe keńistigin basqarý ortalyqtaryna áýe keńistigin paıdalanýǵa arnalǵan ótinim, odan keıin oq atýdyń bastalǵany jáne aıaqtalǵany týraly baıandama jiberildi.
«Zardap shegýshiniń jaǵdaı birqalypty dep baǵalanady. Ol medıtsınalyq kómek kórsetilgennen keıin úıine ketti. Atalǵan fakti boıynsha tergeý amaldary júrgizilip jatyr. Ballıstıkalyq saraptama taǵaıyndaldy», - dep atap ótedi akademııadan.
