SQO-da qurylys sapasy qalaı baqylanady
PETROPAVL. KAZINFORM - Soltústik Qazaqstan oblysynda qurylys nysandaryna qatysty turǵyndardan túsetin shaǵymdardyń basym bóligi tekserý kezinde rastalady.
SQO memlekettia sáýlet-qurylys baqylaý jáne lıtsenzııalaý basqarmasynyń málimetinshe, bıyl mamandar jospardan tys 11 tekserý júrgizip, 16 zań buzýshylyqty anyqtaǵan.
- Shaǵymdardyń arasynda nysandardan aǵyndy nemese erigen qar sýyn burý júıesiniń joqtyǵyna qatysty ótinishter jıi kezdesedi.
Al jeke turǵyn úı qurylysyn ınspektsııalaý tek resmı shaǵymdar men ótinishter negizinde, mysaly, shekaralardyń nemese qurylys normalarynyń buzylýy týraly kórshilerdiń aryzy nemese prokýratýra men polıtsııa organdarynyń usynýy boıynsha júzege asyrylady, - deıdi basqarmanyń memlekettik sáýlet-qurylys ınspektsııasy bóliminiń bas mamany Aıdyn Ǵabbasov.
Mamannyń aıtýynsha, qazir SQO-da salynyp jatqan obektilerdiń tiziliminde qazir 180 nysan bar. Olardyń arasynda zańsyz salynyp jatqan nysandar joq.
- Sońǵy jyldary Petropavlda qurylys talaptaryn óreskel buzǵan eki nysan anyqtaldy. N.Nazarbaev kóshesi, 329A mekenjaıyndaǵy kóppáterli turǵyn úı. Memendendyrylǵan aýdanaralyq ekonomıkalyq sot ony buzý týraly qoıylǵan talapty qanaǵattandyrýdan bas tartty.
Ekinshisi - Tańsholpan kóshesi, 2/5 mekenjaıyndaǵy turǵyn úı, bizdiń talabymyz tolyq qanaǵattandyryldy, - deıdi Aıdyn Ǵabbasov.
Bıyl sondaı-aq, basqarma «Sevımstalkon» JShS-niń qurylys-montajdaý jumystaryn júrgizý quqyǵyna berilgen memlekettik lıtsenzııasynyń qoldanylýyn toqtatqan. Buǵan Ákimshilik quqyq buzýshylyq týraly kodekstiń 312-babynyń 2-bóligin buzý negiz bolǵan.
Buǵan deıin prokýratýra Mardan turǵyn úı kesheni úleskerleriniń qylmystyq isin sotqa joldaǵanyn jazǵan edik.
