SQO-da qurǵaq shóptiń órtenýine baılanysty sotqa deıingi tergeý bastaldy

Bul týraly Tótenshe jaǵdaılar mınıstrliginiń Órtke qarsy qyzmet komıtetiniń tóraǵasy Nurbolat Derbisov aıtty, dep habarlaıdy QazAqparat tilshisi.

«Qyzyljar aýdany, Jelıakovo aýylynda 2 mamyr kúni bolǵan órttiń saldarynan 3 turǵyn úı jáne 3 turǵyn emes úı qırady. Qylmystyq kodekstiń 204-baby, 2-bóligi boıynsha sotqa deıingi tergeý bastaldy. Órt sóndirý qyzmeti órttiń úsh turǵyn úıge taralýynyń aldyn aldy. Órt aldyn ala boljam boıynsha, qurǵaq shóp pen turmystyq qaldyqtardyń ashyq jerde tutanýyynan bolǵan», - deıdi Órtke qarsy qyzmet komıtetiniń tóraǵasy Nurbolat Derbisov.

Onyń aıtýynsha, órtten zardap shekkenderge Jelıakovo aýylynan ýaqytsha turǵyn úı berildi.