SQO-da kúnde úsh adam ınternet-alaıaqtardan zardap shegedi
PETROPAVL. KAZINFORM — Soltústik Qazaqstan oblystyq prokýratýrasynda zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi úılestirý keńesiniń otyrysy ótti.
Vedomstvonyń málimetinshe, jıynda óńirdegi jaǵdaı, sonymen birge profılaktıka men vedomstvoaralyq ózara is-qımyldy kúsheıtýdi talap etetin júıeli problemalar týraly aıtyldy. Máselen tek 1,5 jyl ishinde 7 jasóspirim esirtki jasyryp-taratýshy retinde ustaldy. Internet-alaıaqtyq qylmysy da azaıar emes, kún saıyn osyndaı 3 qylmys tirkeledi.
Qazirgi ýaqytta esirtki zattaryn jetkizý arnalaryn, salyp taratýshylar men uıymdasqan qylmystyq toptardy anyqtaý boıynsha jumysty kúsheıtý mindeti tur.
Jol-kólik oqıǵalary artyp, adamdardyń jaraqattaný, ólim faktileri bar.
Ortalyq kóshelerge qosymsha baǵdarshamdardy, turaq oryndaryn keńeıtýdi, jol jaryǵyn ornatýdy qajet etedi.
Probatsııa qyzmetiniń jumysyndaǵy ózekti máseleler: retsıdıvtiń aldyn alý, jumyssyzdyqty tómendetý.
Qabyldanyp jatqan sharalarǵa qaramastan, esepte turǵan adamdar arasynda quqyq buzýshylyqtar jasalady.
Talqylaý qorytyndysy boıynsha quqyq qorǵaý jáne ýákiletti organdarǵa júıeli profılaktıkaǵa kóshý, jaýapkershilikti derbestendirý jáne vedomstvolyq baqylaýdy kúsheıtý boıynsha usynystar berildi.
Buǵan deıin SQO-da byltyr bes adam jumys barysynda mert bolǵanyn jazǵan edik.