SQO-da kún jylynǵanymen JRVI juqtyrǵandar sany azaımaı otyr
PETROPAVL. KAZINFORM — Soltústik Qazaqstan oblysynda ótken aptada jiti respıratorlyq vırýstyq ınfektsııany 2115 adam juqtyrǵan.
SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, osy epıdemııalyq maýsymda JRVI-di juqtyrýdyń 73 447 jaǵdaıy tirkeldi. Bul onyń aldyndaǵy kezeńmen salystyrǵanda 7,7% tómen.
Vırýstyq ınfektsııany juqtyrǵandardyń 63% — 14 jasqa deıingi balalar.
Osy epıdemııalyq maýsymda A (H3N2) nemese «Gonkong» dep atalyp ketken tumaýdy juqtyrǵan 221 adam dáriger kómegine júgindi. Munda da syrqattanǵandardyń basym bóligi — balalar. 14 jasqa deıingi 89 bala tumaý juqtyrǵan.
Budan bólek tumaýǵa jatpaıtyn vırýstardyń 102 jaǵdaıy anyqtaldy, atap aıtqanda: rınovırýstarmen — 61, bokavırýstarmen — 10, adenovırýstarmen — 4 jáne RS-vırýspen 27 adam aýyrǵan.
Mamandar JRVI men tumaý belgileri birdeı: joǵary temperatýra, jalpy ıntoksıkatsııa, álsizdik, tamaq aýrýy, muryn bitelýi bolatynyn eskertedi. JRVI men tumaýdyń alǵashqy belgileri baıqalǵan jaǵdaıda dereý medıtsınalyq kómekke júginip, dárigerdi úıge shaqyryp, aýrýdy taratpaý úshin naýqas balany balabaqshaǵa nemese mektepke jibermeý kerek. Ózdiginen emdelýdiń sońy asqynýǵa ákelip, ókpe qabynýy múmkin.
Buǵan deıin SQO-da kún jylynǵaly kene shaqqan júzge jýyq adam dárigerge qaralǵanyn jazǵan edik.
