SQO-da kún saıyn orta eseppen 3 júrgizýshi kólik basqarý quqyǵynan aıyrylady
PETROPAVL. KAZINFORM – Soltústik Qazaqstan oblysynda bıyl mas júrgizýshilerdiń kinásinen 17 jol-kólik oqıǵasy tirkelgen. Saldarynan 1 adam mert bolyp, 25 adam jaraqat aldy.
SQO Polıtsııa departamenti baspasóz qyzmetiniń málimetinshe, Petropavldyń 53 jastaǵy turǵyny 15 táýlikke ákimshilik qamaýǵa alynyp, 7 jylǵa kólik basqarý quqyǵynan aıyryldy. Ol mas kúıde kólik júrgizgen.
Polıtseıler «Hyundai Accent» avtokóligin mingen er adamdy K. Sútishev kóshesindegi saýda úıleriniń biriniń avtoturaǵynda toqtatty. Aldymen ol kinásin moıyndamaǵan. Alaıda medıtsınalyq kýálandyrý júrgizýshiniń mas kúıde bolǵanyn kórsetti.
8 aı ishinde SQO-da reıdter men jedel-profılaktıkalyq is-sharalar barysynda polıtseıler mas kúıde kólik basqarǵan 776 júrgizýshini anyqtady. Bul - kúnine orta eseppen 3 júrgizýshi.
Buǵan deıin Abaı oblysynda mas kúıde kólik aıdaǵan 370 júrgizýshi ustalǵanyn jazǵan edik.
