SQO-da kún 33 gradýsqa deıin ysıdy
PETROPAVL. QazAqparat - Soltústik Qazaqstan oblysy turǵyndaryna aldaǵy eki táýlik boıy aýa temperatýrasy aıtarlyqtaı joǵarylaıtyndyǵy eskertildi, dep habarlaıdy «QazAqparat» HAA tilshisi.
Soltústik Qazaqstan turǵyndary uıaly telefondary arqyly 112 qyzmetinen 8-9 mamyr kúnderi aýa temperatýrasynyń +33 gradýsqa deıin kóteriletindigi týraly habarlama aldy. «Óńirdegi ormandardyń órt qaýpi joǵary. 33 gradýsqa deıingi ystyq aýa raıy kútiledi», - delingen SMS-habarlamada. Taıaýda ǵana oblystyq ákimdiktiń otyrysynda TJ departamentiniń basshysy Ramıl Qamalov aımaqtaǵy órt jaǵdaıyn málimdegen bolatyn. Onyń aıtýynsha, buǵan deıin 5 orman órti men 200-ge jýyq shabyndyqtyń janýy tirkelip úlgergen.
