SQO-da qum karerinen eki adamnyń jáne muz dáýirindegi múıiztumsyqtyń súıekteri tabyldy
PETROPAVL. KAZINFORM – Soltústik Qazaqstan oblysynda jumysshylar qum karerin qazý barysynda eki adamnyń jáne belgisiz janýardyń súıegin taýyp aldy.
Oqıǵa 8 qyrkúıek kúni bolǵan.
SQO Polıtsııa departamenti baspasóz qyzmetiniń málimetinshe, Qyzyljar aýdanyndaǵy Beskól aýylynyń mańynda karer qazyp jatqan ekskavator operatory jerden súıekterdi alyp shyqqan.
- Súıekterden qylmystyq sıpattaǵy belgiler anyqtalmady. Olardyń shyǵý tegin jáne osyǵan qatysty ózge de mán-jaılardy anyqtaý úshin saraptama taǵaıyndaldy. Qorytyndy sheshim saraptama nátıjeleri boıynsha shyǵarylady, - deıdi polıtsııa ókilderi.
Oqıǵa ornyna belgili arheolog Anatolıı Pleshakov ta bardy.
- Eki adamnyń bas súıegi erte kezeńge jatady, ázirge aıtý qıyn. Al úshinshi bas súıek júndes múıiztumsyqtyki. Muz dáýirinde ómir súrgen, denesin qalyń jún basqan janýar.
Óńirde onyń súıekteri buǵan deıin de tabylǵan. Júndes múıiztumsyq qańqasynyń bólshekteri oblystyq tarıhı-ólkentaný mýzeıinde saqtalǵan, - deıdi Anatolıı Pleshakov.
Arheologtyń aıtýynsha, tabylǵan súıekter qundy, zertteýdi qajet etedi.
Buǵan deıin SQO-nyń Imantaý kýrorttyq aımaǵynda tórt myń jyl burynǵy qonys tabylǵanyn jazǵan edik.
