SQO-da kreatıvti habtardyń óńirlik jelisin damytý qolǵa alyndy
PETROPAVL. KAZINFORM – Soltústik Qazaqstan oblysynyń Tımırıazevo aýylynda «Creative IT Center» ortalyǵy saltanatty túrde ashyldy. Bul – SQO-daǵy jetinshi aýdandyq hab, ol Qyzyljar Creative Center óńirlik haby jelisiniń bóligine aınalmaq. Bul týraly Mádenıet jáne aqparat mınıstrliginiń bapsasóz qyzmeti habarlady.
Іs-sharaǵa jergilikti atqarýshy organdardyń, bilim berý mekemeleriniń, bıznes qurylymdardyń, qoǵamdyq uıymdardyń ókilderi, sondaı-aq mektep oqýshylary men aýdannyń belsendi jastary qatysty.
Ortalyq aýyldyq eldi mekender turǵyndary arasynda kreatıvti ındýstrııany, tsıfrlyq saýattylyqty jáne IT-kásipkerlikti damytýǵa arnalǵan.
Tımırıazev aýdanynda Creative IT Center-diń ashylýy Soltústik Qazaqstan oblysynyń kreatıvti jáne tsıfrlyq ınfraqurylymyn damytý boıynsha jasalǵan júıeli jumystyń nátıjesi. 2026 jylǵy 1 naýryzǵa deıin óńirdiń barlyq aýdandarynda osyndaı ortalyqtardy ashý josparlanyp otyr.
Aıta keteıik, budan buryn Qazaqstanda 2025 jyly 33 jańa ónerkásiptik kásiporyn iske qosylǵanyn habarlaǵan bolatynbyz.
