SQO-da qos qabatty úıde gaz ballony jarylyp, 12 jasar qyz qaza tapty
Soltústik Qazaqstan oblysy Aqqaıyń aýdany Smırnovo eldi mekenindegi eki qabatty úıde gaz ballony jarylyp, 12 jasar qyz mert boldy. Oqıǵa ornyna oblys ákimi baryp, jaǵdaıdy kórdi, dep habarlaıdy Kazinform.
SQO tótenshe jaǵdaılar departamenti baspasóz qyzmetiniń málimetinshe, oqys oqıǵa búgin saǵat 15:00-ge taman Smırnov eldi mekeni Tıtov kóshesi, 11 mekenjaıyndaǵy 2 qabatty 3 podezdi úıdiń ekinshi qabatynda bolǵan.
Gaz-aýa qospasynyń jarylýynan úıdiń terezeleri shaǵylyp, ǵımaratqa zaqym keldi.
60 sharshy metr aýmaq otqa orandy.
Oqıǵa saldarynan 12 jasar qyz qaıtys bolǵan.
2001 jyly týǵan er adam jaraqat alyp, ortalyq aýdandyq aýrýhanaǵa jatqyzyldy.
9 adam evakýatsııalandy.
Tótenshe jaǵdaı ornyna oblys ákimi men memlekettik organdardyń ókilderi bardy.
Órt saǵat 17.00 shamasynda tolyq sóndirildi.
Qazirgi ýaqytta sebebi jáne kelgen shyǵyn mólsheri anyqtalyp jatyr.
