SQO-da koronavırýstan keıingi ońaltý kýrsyna suranys joǵary
PETROPAVL. QazAqparat – Soltústik Qazaqstan oblysynda koronavırýstan keıin ońaltý kýrsynan ótýge kezekke jazylǵandardyń qarasy qalyń. Ázirge saýyqtyrýdan 200-den astam syrqat ótti, dep habarlaıdy QazAqparat tilshisi.
SQO-da COVID-19-ben aýyryp shyqqandarǵa arnalǵan saýyqtyrý kýrsy oblystyq kóp salaly aýrýhananyń ońaltý bólimshesinde ashylǵan. Qyrkúıek aıynan alǵashqy syrqattardy qabyldaı bastady. Osy ýaqytqa deıin bul jerden 200-den astam naýqas em alyp shyqty.
«Árıne, KVI-men aýyrǵandardyń barlyǵyn birdeı qabyldaı almaımyz. Ońaltýdan birinshi kezekte COVID-19-dyń saldarynan ókpesi qabynyp, saldarynan tynys alý júıesi zardap shekkender, demikpe qalyp, demalý fýnktsııasy buzylǵandar, fıbroz dıagnozy qoıylǵandar ótedi. Oblysta koronavırýs juqtyrǵan 8 myńǵa jýyq adam tirkelse, sonyń shamamen jartysy ońaltýdan ótýdi qajet etedi», - deıdi SQO kópsalaly aýrýhananyń bas dárigeri ıÝrıı Belonog.
Saýyqtyrý kýrsy eki aptaǵa shaqtalǵan.
«Syrqattardy ońaltý baǵdarlamasyna fızıoem, emdik deneshynyqtyrý, massaj, demalý gımnastıkasy, túrli ıngalıatsııalar kiredi. Galokamerany qoldanamyz. Dıetaterapııa, dári-dármekpen emdeledi. Eger koronavırýspen aýyryp bolǵannan keıin densaýlyǵynda kinárat qalsa, emhanaǵa kórinip, ońaltý kýrsynan ótýge joldama alý kerek», - deıdi bas dáriger.
