SQO-da koronavırýstan qaıtys bolǵandardyń sany 170-ke jaqyndady

PETROPAVL. QazAqparat – Soltústik Qazaqstan oblysynda ótken táýlikte koronavırýstan tórt adam qaıtys boldy, osylaısha qaýipti ınfektsııadan kóz jumǵandar sany óńirde 166-ǵa jetti, dep habarlaıdy QazAqparat tilshisi.

SQO densaýlyq saqtaý basqarmasy baspasóz qyzmetiniń málimetinshe, oblysta ótken táýlikte koronavırýs juqtyrýdyń jańa 76 jaǵdaıy tirkelgen. Osylaısha, barlyq aýyrǵandar sany 22 820-ǵa jetti.

Oblysta KVI juqtyrǵandarǵa arnalǵan 1715 oryn bar. Búginde ol 35,1 %-ǵa tolyq. Infektsııalyq statsıonarlarda 579 syrqat bar. Em alyp jatqandardyń 75-iniń hali nashar. Ótken táýlikte 4 adam qaıtys bolsa, barlyq aýyryp kóz jumǵandardyń sany 166-ǵa jetti.