SQO-da koronavırýstan qaıtys bolǵandardyń sany 130-ǵa jetti
SQO densaýlyq saqtaý basqarmasy basshysynyń orynbasary Nurlan Aımanovtyń aıtýynsha, óńirde koronavırýs boıynsha áli de qaterli jaǵdaı saqtalyp otyr. Óńirde koronavırýspen aýyrǵandarǵa arnalǵan 1715 oryn bolsa, sonyń 707-sinde naýqastar jatyr. Olardyń 112-siniń jaǵdaıy aýyr, onyń 75-i jansaqtaý, 37-si qarqyndy terapııa bólimshesinde jatyr. 16 adamnyń jaǵdaıy asa aýyr. Budan basqa 396 adam ottegi ballondarymen ǵana dem alyp jatyr. ıAǵnı olardyń da jaǵdaıy nashar.
«15 shildeden bastap SQO-da 87 adam qaıtys boldy. Nege 15 shildeden bastap esepteımiz, óıtkeni osy kúnnen bastap biz «qyzyl» aımaqqa kirdik. Pandemııa bastalǵaly osy kúnge deıin 43 adam ǵana kóz jumsa, tek 1,5 aıdyń ishinde ǵana odan eki ese kóp – 87 adam qaıtys bolǵan», - deıdi Nurlan Aımanov.
Ambýlatorlyq em alyp jatqandardyń sany – 1955 adam. Olardyń jaǵdaılary qalypty, tıisti deńgeıde em-dom alyp jatyr.
«Qazirgi ýaqytta medıtsına qyzmetkerlerine: dárigerlerge, medbıbilerge sanıtarlyq qyzmetkerlerge moraldyq turǵyda da óte qıyn. Naýqastar da, olardyń týǵan-týystary da kúıip-pisedi, abyrjıdy, osyǵan baılanysty aıtaıyn degenim, koronavırýspen qatty aýyryp jatqandarǵa qıyn, olardyń týystaryna da ońaı emes, óıtkeni syrqattan aırylyp qalý kórsetkishi óte joǵary. Olardyń basym bólgi «delta» shtamymen aýyryp jatqandar.
Sońǵy kezde adamdardyń maska taqpaı, ara qashyqtyqty saqtamaı júrgenin kóretin boldyq. Bizge aýyryp túsip jatqandardyń qaısysynan surama – ne toıda, ne batada bolǵan. Shekteý sharalaryna baılanysty bata, qyrqy, jyly kóp adamdardyń qatysýymen úıde ótetin bolǵan. Tabıǵat aıasyna da toppen shyǵyp, týǵan kún, túrli merekelerdi atap ótedi. Saqtansań – saqtarmyn degen bar», - basqarma basshysynyń orynbasary.
SQO-da birinshi komponentpen 222 139 adam, tolyq vaktsınatsııadan 190 858 adam ótti.
«Ekpe alǵandardyń 931-i KVI juqtyrǵan. Bul barlyq aýyrǵandardyń bir paıyzyna da tolmaıdy. Olardyń basym bóliginde aýrý belgileri bolmaǵan. Jalpy 1 aqpannan bastap 6 100 adam statsıonarlarǵa jatqyzylǵan. Al vaktsınatsııalaý kýrsynan ótkenderdiń 487-si aýrýhanaǵa jatqyzyldy. Ekpe alǵandardyń tek 19-y ǵana jansaqtaý bólimshesine túsken. Olardyń ekeýi qaıtys boldy. Bul syrqattardyń basqa da aýrýlary bolǵan, koronavırýstan olar asqynǵan. ıAǵnı oblysta barlyq qaıtys bolǵan 130 adamnyń bul -1,5 %-y, respýblıkadaǵy ortasha kórsetkish – 2,3 %», - deıdi Nurlan Aımanov.