SQO-da koronavırýspen kúreste kózge túsken medıtsına qyzmetkerleri marapattaldy
PETROPAVL. QazAqparat – Soltústik Qazaqstan oblysynda koronavırýs ınfektsııasymen kúreste aldyńǵy shepte júrgen medıtsına qyzmetkerleri túrli marapatqa ıe boldy, dep habarlaıdy QazAqparat tilshisi.
SQO Densaýlyq saqtaý basqarmasy baspasóz qyzmetiniń málimetinshe, búgin densaýlyq saqtaý salasynyń ardagerleri men qyzmetkerleri vedomstvolyq nagradalarmen, «Densaýlyq saqtaý isiniń úzdigi», «Densaýlyq saqtaý isine qosqan úlesi úshin» tósbelgilerimen marapattaldy. Saltanatty jıynda óńirdiń 30 medıtsınalyq qyzmetkeri qoshemetke ıe boldy.
Koronavırýs indetimen kúreste bul jandar táýligine 24 saǵat, aptasyna 7 kún jumys istep jatyr. Nátıjesi de joq emes. SQO vırýs juqtyrǵandar sany boıynsha sońǵy orynda tur. Qaýipti aýrýdan qaza tapqandar joq.
Mamandardyń aıtýynsha, óńirde COVID-19 juqtyrýdyń 39 jaǵdaıy tirkeldi. Olardyń otyzyn dárigerler emdep shyǵardy. Qazir provızorlyq bólimshelerde – 41, karantındik statsıonarlarda – 72 jáne úı karantıninde 337 adam otyr.
Jalpy oblysta 7 myń 660 adam indetke baılanysty dárigerlerdiń baqylaýyna alynyp, onyń ishinde 6 myń 867 adam búginde oqshaýlaýdan shyǵaryldy.
COVID-19 kúreste óńirde úsh juqpaly aýrýlar bólimshesi jumys istep jatyr. Bul bólimshelerde 126 medıtsınalyq qyzmetker eńbek etýde. Úsh provızorlyq bólimshede 138 jáne 1 myńnan astam orynǵa shaqtalǵan 15 karantındik statsıonarda 243 maman jumys isteıdi.
Budan basqa 276 medıtsınalyq qyzmetker oblys aýmaǵynda qurylǵan blokpostarda eńbek etti.
