SQO-da koronavırýspen baılanysty jaǵdaı turaqtanyp keledi

PETROPAVL. QazAqparat – Soltústik Qazaqstan oblysynda ótken táýlikte koronavırýs ınfektsııasyn juqtyrýdyń 72 jaǵdaıy tirkeldi, onyń 23-i Petropavlda anyqtaldy, dep habarlaıdy QazAqparat tilshisi.

SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, 9 jeltoqsan kúni tirkelgen 72 jaǵdaıdyń tek 44-inde ǵana aýrý belgileri bolǵan. Olardyń 23-i Petropavlda, 15-i Taıynsha aýdanynda, 12-si Qyzyljar aýdanynda anyqtalsa, qalǵandarynda 3-5 aspaıdy.

PTR ádisimen zerthanalyq taldaýlar epıdemıologııalyq kórsetkishter boıynsha 51 syrqattan, aldyn alý maqsatynda - 2 jáne epıdqadaǵalaý maqsatynda 19 adamnan alyndy. Jalpy ótken táýlikte PTR ádisimen 2216 adam zertteldi.

Sońǵy birer aptadan beri SQO-da qaýipti ınfektsııany juqtyrǵandar sany azaıyp keledi. Mamandardyń aıtýynsha, óńir «qyzyl» aımaqtan, «sary» aımaqqa ótti.

Buǵan deıin oblys ákimi Qumar Aqsaqalov brıfıngte koronavırýs boıynsha jaǵdaı osylaı turaqty túrde tómendeıtin bolsa, karantın talaptary jeńildetilip, demalys jáne mereke kúnerinen «lokdaýnnyń» alynatynyn aıtqan edi.

Sanıtarııalyq dárigerlerdiń aıtýynsha, erteń SQO-da bas sanıtarııalyq dárigerdiń jańa qaýlysy shyǵýy tıis.