SQO-da koronavırýspen aýyrǵandardyń árbir ekinshisi úıde juqtyrǵan
PETROPAVL. QazAqparat – Soltústik Qazaqstan oblysynda koronavırýspen aýyrǵandardyń ár ekinshisi ınfektsııany úıde, otbasylyq merekelerde juqtyrǵan, dep habarlaıdy QazAqparat tilshisi.
SQO óńirlik kommýnıkatsııalar qyzmetiniń uıymdastyrýymen aımaqtaǵy KVI boıynsha jaǵdaıǵa baılanysty baspasóz máslıhaty ótti.
SQO Sanıtarııalyq-epıdemıologııalyq baqylaý departamenti basshysynyń mindetin atqarýshy Arman Kúshbasovtyń aıtýynsha, koronavırýspen aýyrǵandardyń 50 % ınfektsııany úıde juqtyrǵan.
«Jumys ornynda, kásiporyndarda ınfektsııany juqtyrý jaǵdaılary sırek. Qazir turǵyndar negizinen vırýsty úıde bir-birine juqtyryp jatyr. Onyń sebebi – kisi kóp shoǵyrlanǵan jerlerde bolady, qoǵamdyq kólikterde júredi. Sondaı-aq 10-15 adamnan jınalyp, úıde otbasylyq merekelerdi atap ótedi. Mundaı jerlerde maska taqpaıtyny belgili. Bireýi túshkiredi, bireýi jóteledi. Osylaısha qalǵandaryna juqtyrady», - deıdi oblystyń bas sanıtarııalyq dárigeri.
2 jeltoqsan boıynsha SQO-da COVID-19 juqtyrǵan 97 adam anyqtaldy. Onyń 56-sy Petropavlda, 16-sy Qyzyljar aýdanynda tirkeldi.
Jalpy SQO-da KVI juqtyrýdyń 6713 jaǵdaıy tirkelgen. Onyń 4 myńnan astamynda aýrý belgileri bolǵan. Jalpy syrqattanǵandardyń 62% medıtsınalyq qyzmetkerlerge aýyryp júgingen.
