SQO-da koronavırýske baılanysty taǵy 4 eldi meken karantınge jabyldy
PETROPAVL. QazAqparat – Soltústik Qazaqstan oblysynda koronavırýs ınfektsııasyna baılanysty karantınge jabylǵan eldi mekender sany 11-ge jetti, dep habarlaıdy QazAqparat tilshisi.
SQO Sanıtarııalyq-epıdemıologııalyq baqylaý departamenti baspasóz qyzmetiniń málimetinshe, óńirde bes aýdannyń 11 eldi mekeni koronavırýs ınfektsııasyn juqtyrǵandar sanynyń ósýine baılanysty karantınge jabylǵan. Olar: Petropavl qalasy, Esil aýdanyndaǵy Nıkolaevka, Petrovka eldi mekenderi, Qyzyljar aýdanynyń ortalyǵy Beskól aýyly, M.Jumabaev aýdanynyń ortalyǵy Býlaev qalasy, Taıynsha aýdanynyń ortalyǵy Taıynsha qalasy, Ýálıhanov aýdanynyń ortalyǵy Kishkenekól aýyly.
3 jeltoqsannan bastap júrip-turý shektelgen eldi mekenderdiń qataryna Esil aýdanynyń ıAsnovka, al 4 jeltoqsannan bastap Maǵjan Jumabaev aýdanynyń Tamanskoe, Ýspenka aýyldary endi. 7 jeltoqsannan bastap Esil aýdanynyń ortalyǵy ıAvlenka karantınge jabylmaq.
Buǵan deıin shekteý sharalary engizilgen Ýálıhanov aýdanynyń Aqbulaq aýylynan 3 jeltoqsan kúni karantın alyndy.
Jalpy SQO-da koronavırýs ınfektsııasyn juqtyrý jaǵdaılary birshama tómendegen. Osydan shamamen bir apta buryn aýyrǵandar sany júzden asyp ketse, keshegi táýlikte KVI juqtyrýdyń 68 jaǵdaıy tirkeldi. Onyń teń jartysynda adamdar dárigerlerge aýyryp qaralǵan.
Jalpy SQO-da KVI-men aýyrǵan 7014 adam tirkeldi.
