SQO-da koronavırýs juqtyrý deńgeıi sharyqtaý sheginen ótti
SQO densaýlyq saqtaý basqarmasy baspasóz qyzmetiniń málimetinshe, 19 tamyz kúni óńir koronavırýsty juqtyrý sany boıynsha antırekord ornatty, bul kúni 171 aýyrǵan adam tirkeldi. 20 tamyzdan bastap oblysta qaýipti ınfektsııany juqtyrǵandar sany kúnnen-kúnge azaıyp keledi, máselen 164-ten keshe 110-ǵa deıin tústi. Sonyń ishinde Aqjar men M.Jumabaev aýdandarynda múldem anyqtalmaǵan. Taǵy bes aýdanda aýyrǵan 1-2 adamnan ǵana tirkelgen. Al koronavırýstyń taralýy boıynsha Petropavl men Qyzyljar aýdanynyń úlesi joǵary, sáıkesinshe 56 jáne 18 jaǵdaı anyqtaldy.
Oblysta ınfektsııalyq statsıonarlarda 1 715 oryn bolsa, ol 43,5 %-ǵa tolǵan. 75 adamnyń jaǵdaıy aýyr. 123 adam qaıtys bolsa, onyń ekeýi keshe kóz jumǵan.
Jalpy SQO-da pandemııa bastalǵaly 21 766 adam KVI juqtyrǵan, búginde 19 654-i jazylyp ketti.