SQO-da koronavırýs juqtyrǵandardyń jartysyna jýyǵy - 50 jastan asqandar
PETROPAVL. QazAqparat – Soltústik Qazaqstan oblysynda koronavırýstyjuqtyrǵandardyń 23 %-i zeınetkerler bolsa, 46 %-i jasy 50-den asqandar, dep habarlaıdy QazAqparat tilshisi.
SQO Sanıtarııalyq-epıdemıologııalyq baqylaý departamenti baspasóz qyzmetiniń málimetinshe, óńirde búginde 7303 adam KVI juqtyrǵan. Olardyń 4348-inen aýrý belgileri tabylǵan.
18%-i aldyn alý maqsatynda júrgizilgen tekseris barysynda anyqtalsa, 61%-inde adamdar aýyryp, dárigerlerge júgingen, al syrqattanǵandardyń 21%-i aýyrǵandarmen baılanysta bolǵan.
KVI juqtyrǵandardyń basym bóligi, ıaǵnı 27 %-i jasy 60-tan asqandar.
Odan keıin 19 %-pen 50-den asqandar jáne 17 %-pen 30-40 jas aralyǵyndaǵylar keledi.
Ótken táýlikte oblysta kornavırýs juqtyrýdyń 72 jaǵdaıy tirkeldi.
Syrqattanǵandardyń basym bóligi – aýdandarǵa tıesili. Máselen Petropavlda tek 10 adamda anyqtalsa, Esil aýdanynda – 14, Qyzyljar aýdanynda – 10 jáne Aqqaıyń aýdanynda 9 jańa jaǵdaı tirkeldi.
Sanıtarlyq dárigerler sońǵy 4 kúnde qaýipti ınfektsııany juqtyrýdyń 28%-ke azaıǵanyn aıtady.
