SQO-da koronavırýs juqtyrǵandar sany qaıta ósti

PETROPAVL. QazAqparat – Soltústik Qazaqstan oblysynda koronavırýsty juqtyrýshylar sany kúnnen-kúnge artyp keledi, ótken táýlikte qaýipti ınfektsııa 98 adamda anyqtaldy, dep habarlaıdy QazAqparat tilshisi.

Óńirde KVI juqtyrǵandardyń sany artyp keledi. Máselen, 30 qyrkúıek kúni 70 adamda qaýipti ınfektsııa anyqtalsa, 4 qazanda 93 adamda tirkelgen. SQO sanıtarııalyq-epıdemıologııalyq baqylaý departamentiniń málimetinshe, ótken táýlikte 98 adam koronavırýs juqtyrdy. Onyń ishinde 87-sinde, ıaǵnı 88 %-ynda aýrý belgileri bolǵan. Ádettegideı Petropavl turǵyndarynyń úlesi joǵary – 37 adam aýyrǵan, al aýdandar arasynda M.Jumabaev kósh bastap tur – 9 syrqat anyqtalǵan. Mamlıýt, Qyzyljar aýdandarynda 8 adamnan, Shal aqyn men Aıyrtaý aýdandarynda – 5, Ǵ.Músirepov pen Aqqaıyń aýdandarynda – 4, qalǵandarynda 1-3 adamnan aýyrǵan.

PTR ádisimen zerthanalyq taldaýlar epıdemıologııalyq kórsetkishter boıynsha 91 azamattan jáne epıdqadaǵalaý maqsatynda 7 azamattan alyndy. Jalpy oblysta PTR zertteýler júrgizetin 4 zerthana jumys isteıdi. Pandemııa bastalǵaly KVI-ǵa 468 739 zertteý júrgizildi. Sonyń jalpy sannyń 5,3 %-y, ıaǵnı 25 054 adamda oń nátıje bolǵan.