SQO-da koronavırýs juqtyrǵandar sany bir aptada 1,7 ese artty
SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, óńirde koronavırýsty juqtyrǵandar sany 10 549 adamǵa jetti. Tek ótken táýlikte taǵy 117 adamnan anyqtalǵan. Onyń 76-sy dárigerlerge aýyryp kóringen.
Mamandardyń aıtýynsha, bir aptadan beri óńirde kúndelikti 100 adamnan kem emes naýqas anyqtalyp jatyr. Osylaısha juqtyrǵandar sany 437-den 762-ge deıin, ıaǵnı 1,7 ese kóbeıgen.
Jalpy syrqattanǵandardyń 34 %-y jumys isteıtinder bolsa, 25 %-yn zeınetkerler jáne 17 %-yn jumys istemeıtinder quraıdy.
Barlyq juqtyrǵandardyń 3,7 %-y – syrttan kelgender. Máselen 6 qazan men 26 qańtar aralyǵynda Reseımen shekaradaǵy avtojol beketterinen 56 myńnan astam adam ótken. Onyń 18 myńnan astamynda ǵana PTR test nátıjesi bolǵan. Eldiń 2648 azamaty qoldarynda anyqtamasy bolmaǵandyqtan karantındik statsıonarǵa alynyp, tekserildi. Olardyń 235-inde anyqtalyp, 28-i ınfektsııalyq statsıonarǵa ornalastyryldy. 207-si úılerinde em alýǵa jiberildi. Sheteldik 366 azamat qoldarynda PTR test nátıjesi bolmaǵandyqtan keıin qaıtaryldy.
