SQO-da koronavırýs juqtyrǵan naýqas - Túrkistan oblysynyń turǵyny
PETROPAVL. QazAqparat – Soltústik Qazaqstan oblysynda koronavırýs ınfektsııasy anyqtalǵan adam - Túrkistan oblysynyń týmasy, dep habarlaıdy QazAqparat tilshisi.
Shuǵyl shtabtyń málimetinshe, COVID-19 anyqtalǵan er adamnyń jasy 52-de. Reseıde vahtalyq ádispen jumys isteıdi. 20 mamyr kúni Omby qalasynan M.Jumabaev aýdanynyń «Qaraqoǵa» beketi arqyly shekaradan ótti. Birden koronavırýs ınfektsııasyn tekserilip, qaýipti indetti juqtyrǵany anyqtaldy.
Qazir syrqat Petropavldaǵy qalalyq birinshi aýrýhananyń juqpaly aýrýlar bólimshesinde em alyp jatyr. Onymen baılanysta bolǵan adamdardyń sany anyqtalyp jatyr, epıdemıologııalyq tekserý júrgizilýde.
SQO aýmaǵynda 21 mamyrdaǵy jaǵdaı boıynsha COVID-19 vırýsyn juqtyrǵan 40 adam tirkelgen.
Qazirgi tańda juqpaly aýrýlar bólimshesinde – 9, provızorlyq statsıonarda – 49 jáne karantındik statsıonarda 91 adam jatyr. Úı karantınine 340 adam oqshaýlanǵan.
