SQO-da koronavırýs juqtyrǵan balalardyń sany 1 myńnan asty

PETROPAVL. QazAqparat – Soltústik Qazaqstan oblysynda koronavırýsty juqtyrǵan balalar sany kúrt artyp, 1 082-ge jetti, dep habarlaıdy QazAqparat tilshisi.

SQO densaýlyq saqtaý basqarmasy baspasóz qyzmetiniń málimetinshe, oblysta koronavırýs juqtyrǵan balalardyń sany 1 082-ge jetti. Esepke týǵanyna 28 kún bolǵan sábıler men 18 jasqa deıingi balalar alynǵan. Qaýipti ınfektsııa juqtyrǵan balalardyń 842-si táýir bolyp shyqty. 225-i dárigerlerdiń qaraýynda. Sonyń ishinde 27-si ınfektsııalyq statsıonarda em alyp jatyr.

«Balalar buryn koronavırýsty juqtyrǵanda olarda kóp jaǵdaıda belgisi bilinbeıtin. Qazir aýyryp, em alyp jatqandardań jaǵdaılary ortasha. Dene qyzýymen, dem ala almaı túsedi. Sol sebepti saqtanyp júrýge, qoǵamdyq oryndarǵa barmaýǵa keńes beremiz», - deıdi SQO kópbeıindi balalar aýrýhanasynyń bas dárigeri Oleg Zavıalov.

SQO-da ótken táýlikte 166 adam koronavırýsty juqtyrsa, sonyń 16-sy – 18 jasqa deıingi bala. 38-i úı karantıninen jiberildi.

Jalpy pandemııa bastalǵaly 1 jasqa deıingi 17 sábı aýyrǵan. 1-3 jastaǵy 45 jáne 3-5 aralyǵyndaǵy 19 bala juqtyrǵan.