SQO-da koronavırýs juqtyrǵan bala sany ósip barady
SQO óńirlik kommýnıkatsııalar qyzmetinde oblystaǵy koronavırýstyń taralýy boıynsha brıfıng ótkizgen mamandar bul ınfektsııany balalardyń da kóptep juqtyryp jatqanyn aıtty. Jalpy indet bastalǵaly 839 bala aýyrsa, bıylǵy maýsymǵa qaraǵanda shilde aıynda juqtyrǵandar sany 8,5 ese artqan. Sondaı-aq statsıonarlarǵa aýyryp túsetin balalar sany 4 ese kóbeıgen.
«Osy ýaqytqa deıin 621 bala táýir boldy. Qazir 218 bala dárigerlerdiń baqylaýynda. Olardyń 22-si statsıonarda em alyp jatyr, jaǵdaılary ortasha.
Buryn balalarda koronavırýstyń belgileri kóbinese bolmaıtyn nemese jeńil ótetin. Qazir olardyń da dene qyzýy kóteriledi, ókpeleri qabynyp, demalýlary qıyndap, bizge ıntoksıkatsııamen túsedi», - deıdi SQO densaýlyq saqtaý basqarmasy basshysynyń orynbasary Qumar Kúsemisov.
Mamannyń aıtýynsha, oblys boıynsha qazir 196 bala ambýlatorlyq em alyp jatyr.
«Tamyz aıynda mektep oqýshylary arasynda 128 jaǵdaı tirkelip otyr. Sol sebepti jańa oqý jyly qarsańynda ata-analardy vaktsına alýǵa shaqyramyz.
Mektepterge de epıdemıologııalyq jáne karantındik sharalardyń saqtalýyna qatysty únemi monıtorıng júrgiziledi. Muǵalimderdiń vaktsına alýy da bizdiń nazarymyzda. Ázirge olardyń 95,6 %-y ǵana ekpe alǵan.
Oblystyń memlekettik bas sanıtar dárigeriniń qaýlysyna sáıkes, belgili sanatqa jatatyn adamdar 10 tamyzǵa deıin vaktsınanyń birinshi komponentin alýǵa tıis bolatyn. Áli 1 qyrkúıekke deıin ýaqyt bar.», - deıdi SQO sanıtarııalyq-epıdemıologııalyq baqylaý departamenti basshysynyń mindetin atqarýshy Tatıana Gorlova.