SQO-da koronavırýs juqtyrǵan 37 adam jansaqtaý bólimshesinde jatyr

PETROPAVL. QazAqparat – Soltústik Qazaqstan oblysynda ótken táýlikte 83 adamnan koronavırýs anyqtaldy, eki naýqas qaıtys boldy, dep habarlaıdy QazAqparat tilshisi.

Oblystyq densaýlyq saqtaý basqarmasy baspasóz qyzmetiniń málimetinshe, ótken táýlikte 1 795 adam PTR test tapsyrǵan. Olardyń 83-iniń nátıjesi oń bolyp shyqty. Qazir juqpaly aýrýlar statsıonarlarynda 399 adam em alyp jatyr, emdeý mekemeleri 24 %-ǵa ǵana júktelgen. 19 adam karantın, 37 adam jansaqtaý bólimshelerine ornalastyrylǵan.

Ótken táýlikte eki naýqas koronavırýstan kóz jumdy. Jalpy indet bastalǵaly óńirde 390 adam qaýipti ınfektsııany juqtyryp, qaıtys boldy. Qazirgi ýaqytta SQO-da 33 508 adam KVI juqtyrsa, 29 612 adam táýir bolyp qatarǵa qosyldy.

Eske sala ketsek, Qazaqstandaǵy epıdemıologııalyq ahýaldy baǵalaý matrıtsasyna sáıkes Soltúsitik Qazaqstan oblysy «sary» aımaqta tur.