SQO-da koronavırýs juqtyrǵan 30 naýqastyń 25-i saýyǵyp ketken
PETROPAVL. QazAqparat – Soltústik Qazaqstan oblysynda koronavırýs ınfektsııasynan jazylyp shyqqandardyń qatary 7 adammen tolyqty. Qazir juqpaly aýrýlar bólimshesinde oblys boıynsha COVID-19-dan tek 4 adam ǵana em qabyldap jatyr, dep habarlaıdy QazAqparat tilshisi.
Búgin SQO ákiminiń orynbasary Rýslan Álishev kezekti brıfıng ótkizip, qaýipti indettiń taralmaýy úshin atqarylyp jatqan jumystarmen tanystyrdy.
Oblysta koronavırýstan em alyp jatqandardyń tórteýi de qaýipti ınfektsııany shetten: ekeýi - Londonnan, qalǵan ekeýi - Reseıden juqtyryp kelgender.
«Oblysqa shetten kelgender birden tekserilip, taldaý alynady, birden karantındik statsıonarǵa alynady. Infektsııa anyqtalǵan jaǵdaıda juqpaly aýrýlar statsıonaryna jatqyzylady. Teris nátıje kórsetken jaǵdaıda 14 kúnge úı karantınine jiberiledi. Sol sebepti qaýiptenýge negiz joq», - deıdi Rýslan Álishev.
Jalpy oblysta 44 blokpost ornalassa, sonyń beseýi Petropavlda. Ol jerde polıtsııanyń 195 qyzmetkeri, 97 dáriger jáne 32 sanıtarlyq, veterınarlyq mamandar jumys isteıdi. Budan basqa óńirde polıtsııanyń 50 qyzmetkeri kezekshilik etetin 13 sanıtarlyq post ashylǵan.
SQO-da COVID-19 ınfektsııasyn juqtyrǵandardyń 86 % táýir boldy. ıAǵnı, buǵan deıin 30 derek tirkelse, 25 adam jazylyp shyqty. Bireýi Aqmola oblysynda, qalǵan tórteýi Petropavlda ınfektsııalyq statsıonarda em alyp jatyr.
«Provızorlyq statsıonarlarda 4 adam qaldy, bul - ázirlegen oryndardyń shamamen 3 % ǵana, karantındik statsıonarlarda 51 adam jatyr. Aldyn ala jaraqtandyrylǵan oryndardyń tek 5 % ǵana paıdalanylyp jatyr. Al úı karantıninde 679 turǵyn otyr», - dedi oblys ákiminiń orynbasary.
