SQO-da koronavırýs juqtyrǵan 25 adam jansaqtaý bólimshesinde jatyr

PETROPAVL. QazAqparat – Soltústik Qazaqstan oblysynda koronavırýs juqtyrǵan 187 adam ınfektsııalyq statsıonarlarda em alyp jatyr, 25-i aýyr halde, dep habarlaıdy QazAqparat tilshisi.

SQO densaýlyq saqtaý basqarmasynyń málimetinshe, óńirde koronavırýs boıynsha jaǵdaı ázirge qalypty. Ótken táýlikte 25 adamda KVI anyqtaldy. Qazir ınfektsııalyq statsıonarlarda 187 syrqat em alyp jatyr. Olardyń 132-si medıtsınalyq ottegige táýeldi. 25 adamnyń jaǵdaıy aýyr, jansaqtaý bólimshelerine ornalastyrylǵan. Aýyrǵandardyń 99 %-y – vaktsınalanbaǵandar.

Jalpy SQO-da osy kúnge deıin 257 myńǵa jýyq adam vaktsınatsııa kýrsynan ótti. Emhanalardaǵy ekpe kabınetteri saǵat 9.00-den 19.00-ge deıin jumys istep jatyr.

SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, Pfizer vaktsınasynyń birinshi komponentin 6 891 adam aldy, tolyq kýrstan 4 129 jasóspirim, júkti jáne emizýli balasy bar kelinshek ótti. Al revaktsınatsııaǵa 37 myńǵa jýyq adam kelgen.