SQO-da koronavırýs juqtyrǵan 22 adam aýyr halde jatyr
PETROPAVL. QazAqparat – Soltústik Qazaqstan oblysynda koronavırýs ınfektsııasyn juqtyrýshylardyń qatary ósip keledi, tek ótken táýlikte KVI-men aýyrǵan 57 adam anyqtaldy, dep habarlaıdy QazAqparat tilshisi.
SQO sanıtarııalyq-epıdemıologııalyq baqylaý departamentiniń málimetinshe, óńir aýmaǵynda ótken táýlikte koronavırýs ınfektsııasyn juqtyrýdyń 57 jaǵdaıy tirkeldi. Onyń 38-inde naýqastar dárigerlerge aýyryp qaralǵan. Vırýsty juqtyrýdan Petropavl qalasy birinshi orynda keledi – 47 jaǵdaı anyqtalǵan. Taǵy tórteýi Esil aýdanynda, úsheýi Qyzyljar aýdanynda, eki jaǵdaı Mamlıýt aýdany men bir jaǵdaı Aqqaıyń aýdanynda tirkeldi.
Oblysta PTR zertteý júrgizetin 4 zerthana jumys isteıdi. Pandemııa bastalǵaly oblys boıynsha KVI-ǵa 145,5 myńǵa jýyq zertteý júrgizilgen. Onyń 5039 jaǵdaıynda, ıaǵnı 3,4% oń nátıje kórsetken. Ótken táýlikte PTR ádisimen 622 zertteý júrgizildi.
SQO densaýlyq saqtaý basqarmasynyń málimetinshe, jalpy óńirde koronavırýsty juqtyrýdyń 5046 jaǵdaıy tirkeldi. 4298 adam táýir bolyp, 25 adam kóz jumdy. Qazir 22 adam aýyr halde jatyr.
Infektsııalyq statsıonarlarda 360 oryn bolsa, sonyń 38% ǵana tolyq. Karantın statsıonarynda 42 kereýet bolsa, onyń 15% ǵana naýqastar em alyp jatyr.
