SQO-da koronavırýs juqtyrǵan 18 adamnyń jaǵdaıy aýyr
PETROPAVL. QazAqparat – Úsh apta «jasyl» aımaqta bolǵan Soltústik Qazaqstan oblysy búginnen bastap qaıta «sary» aımaqqa ótti. Ótken táýlikte óńirde koronavırýs juqtyrýdyń jańa 25 jaǵdaıy tirkeldi, dep habarlaıdy QazAqparat tilshisi.
SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, ótken táýlikte koronavırýs juqtyrýdyń 25 jaǵdaıy tirkelse, onyń 20-synda aýrý belgileri bolǵan. Sonyń ishinde 8 syrqat Petropavlda, 4 – Esil aýdanynda, úsheýden – Ýálıhanov pen Aıyrtaý aýdandarynda jáne 1-2-den taǵy bes aýdanda tirkeldi.
Oblysta KVI juqtyrǵandardyń resmı sany – 14267. Táýir bolǵandar – 13 820.
SQO densaýlyq saqtaý basqarmasy baspasóz qyzmetiniń málimetinshe, ótken táýlikte 10 adam koronavırýstan jazylyp shyqty. Qazir óńirdiń emdeý mekemelerinde 910 oryn bolsa, sonyń shamamen 25 %-y , al ınfektsııalyq statsıonarlar 32 %-ǵa ǵana tolyq. Em alyp jatqandardyń 18-iniń jaǵdaıy aýyr, ókpeni jasandy jeldetý apparatyna qosylǵan.
Mamandardyń aıtýynsha, koronavırýsqa qarsy vaktsına da josparly túrde egilip jatyr. Aqpan aıynan beri 60 285 adam preparattyń birinshi komponentin aldy. Al 20 437 turǵyn tolyq vaktsınatsııadan ótti.
