SQO-da koronavırýs juqtyrǵan 150-den astam bala dáriger baqylaýynda

PETROPAVL. QazAqparat – Soltústik Qazaqstan oblysynda koronavırýs juqtyrǵan 153 bala dáriger qaraýyna alynsa, 16-sy statsıonarda em qabyldap jatyr, dep habarlaıdy QazAqparat tilshisi.

SQO densaýlyq saqtaý basqarmasy baspasóz qyzmetiniń málimetinshe, óńirde indet bastalǵaly týǵanyna 28 kúnnen bastap 18 jasqa deıingi 1270 bala koronavırýs juqtyrǵan. Olardyń 1109-y táýir boldy. Qazirgi ýaqytta 153 bala dáriger baqylaýyna alynǵan.

«Aýyrǵan balalardyń 16-sy statsıonarǵa jatqyzyldy. 8-iniń jaǵdaıy ortasha bolsa, qalǵan segizinde aýrý jeńil túrde ótip jatyr. 137-sy ambýlatorııalyq em alýda, 55-inde aýrý belgileri joq», - deıdi baspasóz hatshysy Gúlnar Qalıeva.

Ótken táýlikti SQO-da 70 adam koronavırýs juqtyrsa, sonyń 13-i bala.

Jalpy óńirde aýyrǵandar sany turaqty túrde tómendep keledi. Osydan eki apta buryn táýligine orta eseppen koronavırýs juqtyrǵan 160 adamnan tirkelip otyrsa, qazir bul kórsetkish shamamen 2,5 ese azaıǵan. Shilde aıynda 2601 adam KVI juqtyrsa, tamyzda 4481 syrqat tirkelgen.

Alaıda jaǵdaıy aýyr syrqattar men qaıtys bolǵandar sany azaıar emes. Qazir 75 naýqastyń jaǵdaıy aýyr bolsa, ótken táýlikte 3 adam kóz jumyp, qaıtys bolǵandar sany 149-ǵa jetti.

Pandemııa bastalǵaly SQO-da 22 515 adam aýyrdy, olardyń 20 606-sy jazylyp shyqty.