SQO-da koronavırýs ınfektsııasyn juqtyrǵan 2 adam Reseıden kelgen
PETROPAVL. QazAqparat – Soltústik Qazaqstan oblysynda búgin anyqtalǵan eki naýqas óńirge Reseıdiń Túmen qalasynan kelgen, dep habarlaıdy QazAqparat tilshisi.
Memlekettik komıssııanyń shuǵyl shtabynan alynǵan málimetke qaraǵanda, vırýsty juqtyrǵandar Qazaqstannyń 1997 jáne 2001 jyly týǵan azamattary. Reseıdiń Túmen qalasynan elge Mamlıýt aýdanyndaǵy Jańajol beketi arqyly ótken. Olar birden COVID-19-ǵa tekserilip, Mamlıýtka qalasynyń karantındik statsıonaryna oqshaýlandy.
Zerthanalyq zertteý nátıjelerin alǵannan keıin vırýsty juqtyrǵandar Birinshi qalalyq aýrýhananyń juqpaly aýrýlar bólimshesine ornalastyryldy. Mamandardyń aıtýynsha, naýqastarda aýrýdyń klınıkalyq belgileri joq.
Qazir olarmen baılanysta bolǵan adamdardyń sany anyqtalyp jatyr. Epıdemıologııalyq tekserý jalǵasýda.
11 mamyrdaǵy jaǵdaı boıynsha SQO aýmaǵynda COVID-19 vırýsyn juqtyrýdyń 36 jaǵdaıy tirkelgen, onyń ishinde juqtyrǵan bir adam turǵylyqty jerine - Kókshetaý qalasyna em alýǵa jiberildi.
SQO Densaýlyq saqtaý basqarmasy baspasóz qyzmetiniń málimetinshe, búginde juqpaly aýrýlar bóliminde 6 naýqas em alyp jatyr. Provızorlyq statsıonarda – 31, karantındik statsıonarda 61 adam oqshaýlanǵan. Al úı karantıninde 434 adam otyr.
