SQO-da koronavırýs boıynsha jaǵdaı turaqtandy

PETROPAVL. QazAqparat – Soltústik Qazaqstan oblysynda koronavırýsty juqtyrǵandar sany tómendedi, ótken táýlikte tek 9 adamnan ǵana qaýipti ınfektsııa anyqtaldy, dep habarlaıdy QazAqparat tilshisi.

SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, 9 qańtarda óńirde 9 adamnan ǵana koronavırýs anyqtaldy. Olardyń barlyǵynda da aýrý belgileri bolǵan.

KVI juqtyrǵandardyń 4-ýi – Qyzyljar aýdanynyń, 3-eýi – Petropavldyń jáne ekeýi – Esil aýdanynyń turǵyndary. Qalǵan aýdandarda syrqattanǵandar tirkelgen joq.

Jalpy qazirgi ýaqytta oblysta PTR zertteýler júrgizetin 4 zerthana jumys isteıdi. Pandemııa bastalǵaly óńirde KVI-ǵa 564 872 zertteý júrgizildi. Sonyń 6,2 %-ynda oń nátıje kórsetken. Ótken táýlikte PTR ádisimen 109 zertteý júrgizildi.

SQO-da KVI-di juqtyrýdyń 35 047 jaǵdaıy tirkeldi. Onyń ishinde 456 jaǵdaı syrttan ákelingen. 27 536 adamda, ıaǵnı 78 %-ynda aýrý belgileri bolǵan.