SQO-da koronavırý juqtyrǵan balalar sany 900-den asty
PETROPAVL. QazAqparat – Soltústik Qazaqstan oblysynda jyl basynan beri 906 balada COVID-19 anyqtaldy, onyń ony búgin tirkeldi, dep habarlaıdy QazAqparat tilshisi.
SQO sanıtarııalyq-epıdemıologııalyq baqylaý departamenti basshysynyń mindetin atqarýshy Tatıana Gorlova óńirlik kommýnıkatsııalar qyzmetinde ótken brıfıngide jýrnalısterdiń suraqtaryna jaýap berdi. Sanıtar dárigerdiń aıtýynsha, ótken aptada 14 jasqa deıingi 107 bala aýyrǵan. Tek búgin ǵana qaýipti ınfektsııa 10 balada anyqtalǵan.
«Koronavırýstyń «delta» shtamy, ásirese jastar úshin qaýipti. Balalar kóp aýyratyn bolǵan. Buryn negizinen zeınet jasyndaǵy adamdar juqtyratyn. Endi aýyrǵandardyń 33 %-y – jumys isteıtinder, 30 %-dan astamy – 30-39 jas aralyǵyndaǵylar, 15 %-y – balalar», - deıdi Tatıana Gorlova.
Jýrnalısterdiń SQO-da jańa oqý jyly shtattyq rejımde bastala ma degen suraǵyna sanıtar dáriger boljam jasaǵan joq.
«Biz barlyǵymyz balalarymyzdyń mektepte oqyǵanyn qalaımyz. Sheshim mınıstrlik deńgeıinde qabyldanady. Al biz óz tarapymyzdan vaktsına salǵyzyp, jaýapkershilik tanytýymyz qajet. Osylaısha ózimizdi, jaqyndarymyzdy qorǵaımyz. Mektep dırektorlary arnaıy jospar quryp, daıyndalýlary qajet. Bilim ordalary jetkilikti deńgeıde dezınfektsııalyq quraldarmen qamtylǵany jón. Qazir mektepterdiń jańa oqý jylyna ázirligi tekserilip jatyr. Sonyń ishinde epıdemıologııaǵa qarsy algorıtmniń oryndalýy da», - deıdi Tatıana Gorlova.
Buǵan deıin SQO mektepterine 75 mln teńgege dezınfektsııalyq quraldar alynǵanyn aıtqan edik.
