SQO-da kópbalaly otbasylarǵa beriletin áleýmettik kómektiń kólemi qansha
PETROPAVL. QazAqparat - Petropavlda kópbalaly jáne az qamtylǵan otbasylardy áleýmettik qamsyzdandyrý máseleleri talqylandy, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
Jumyspen qamtý jáne áleýmettik baǵdarlamalardy úılestirý basqarmasynyń basshysy Sergeı ıAkovenkonyń aıtýynsha, byltyr 4,6 myń ana 55,7 mln teńge mólsherinde bir rettik kómek alǵan. Bıyl áleýmettik kómek retinde 58,2 mln teńge bólý josparlanǵan. Onyń sózine qaraǵanda, 2019 jyly az qamtylǵan, kópbalaly otbasylarǵa jańa formatta arnaıy memlekettik áleýmettik kómek kórsetý úshin jalpy 320,7 mıllıon teńge qarajat bólingen.
Otyrysta kópbalaly otbasylardy mektepke deıingi sapaly bilimmen qamtý máselesi de sóz boldy. Petropavl qalalyq bilim bólimi basshysynyń orynbasary Tatıana Protopopova oblysta kópbalaly otbasylardyń 7 jasqa deıingi balalarynyń jalpy sany 2037 ekenin aıtty. 3 jasqa deıingi 176 bala balabaqsha kezeginde tur, sonyń 163-i - Petropavl qalasynyń turǵyndary.
Ózekti máselelerdiń taǵy biri - órt qaýipsizdigin qamtamasyz etý. Tótenshe jaǵdaılar departamenti bastyǵynyń orynbasary Nurlan Atyǵaev órttiń aldyn alý maqsatynda turǵyn úılerdi ıis gazyn anyqtaıtyn avtonomdy «datchıktermen» jabdyqtaý jumysy júrip jatqanyn jetkizdi. Qazirge deıin az qamtylǵan jáne tabysy az otbasylar turatyn 33 úıge dál sondaı «datchıkter» ornatyldy.
Avtor: Olesıa Jýkoven
