SQO-da kópbalaly ana membaǵdarlama aıasynda eki bıznes jobasyn júzege asyrdy
SQO kásipkerler palatasy baspasóz qyzmetiniń málimetinshe, Mamlıýtka qalasynyń turǵyny Gúlden Dúısenbekova bes balanyń anasy. Eki uly, úsh qyzy bar. Dekrettik demalysta otyryp, oǵan óz isin ashý týraly oı keledi.
Gúldenniń aıtýynsha, ol burynnan azyq-túlik dúkenin ashýdy armandaǵan. Alaıda bul istiń qyr-syryn bilmegendikten kópke deıin tartynshaqtap kelgen. Sol sebepti kásipkerler palatasynyń fılıalyna kómek surap kelip, nátıjesinde «Bastaý Bıznes» memlekettik baǵdarlamasy aıasynda arnaıy kýrstan ótti.
Byltyr kelinshek óziniń bıznes josparyn sátti qorǵap, qoı ósirýge 200 AEK mólsherinde grant aldy. Biraq dúken ashsam degen armany maza bermeı, aýyl sharýashylyǵyn qarjylaı qoldaý qory arqyly 6 mln teńge jeńildetilgen nesıege qol jetkizedi. Ol qarajatqa ǵımarat jáne taýar alyp, isin bastap ketti. Qazir Gúlden satýshy, al kúıeýi dúkenge qajet taýardy jetkizip beredi.
Kásipkerdiń aıtýynsha, azyq-túlikke qashanda suranys joǵary, sol sebepti shaǵyn dúken ashý arqyly jaqsy tabys tabýǵa bolady.
«Bul iste satyp alýshylardyń kóptigi azdyq etedi. Іs órge júzýi úshin barlyǵyn eskerý kerek. Óz tutynýshylaryńdy estip, solardyń qajetin óteý qajet. Biz turǵyndarǵa qajetti taýardy jetkizýge tyrysamyz, onyń ishinde nan, túrli jarmalar jáne taǵy basqalary bar», - deıdi Gúlden Dúısenbekova.
Kásipkerge aıaǵyna nyq turyp ketýge kýratorlary kómektesken. Solardyń keńesimen saýda-sattyqty durys jolǵa qoıyp, dúkeni tabys ákele bastapty.
«Naryq kúnnen-kúnge ósip keledi. Oılanyp qarasaq, tutynýshyǵa qajet jańa zatty usyný arqyly onyń úı janyndaǵy súıikti dúkenine aınalýǵa bolady. Al Dúısenbekovter otbasyna bastaǵan isteriniń jemisin kórýge tilektespin. Eń bastysy ynta bolyp, qıyndyqtardan qoryqpaý qajet», - deıdi SQO kásipkerler palatasy Mamlıýt aýdandyq fılıalynyń dırektory Nına Vasılenko.
